Kreu i Kuvendit Gramoz Ruçi merr vendimin një ditë para protestës së opozitës, vendos anulimin e seancës parlamentare. Mësohet se seanca e parashikuar për ditën e nesërme nuk do të zhvillohet, vendim i marrë ditën e sotme, mesa duket për të shmangur tensionimin e situatës në protestë. Sipas raportimeve, opozita, pas vendimit drastik për djegien e mandateve, planifikonte rrethimin e parlamentit me protestues ditën e nesërme dhe ngujimin brenda godinës së deputetëve të maxhorancës. Vendimin për anulimin e seancës, Ruçi pritet ta njoftojë pak minuta më pas.
