Kush pyeti për Andrrën? Ishte gjatë gjithë ditës e impenjuar për t’i dhuruar të dashurit të jetës një festë të pazakontë. Si çdo vit që kur ata të dy janë bashkë, Andrra është sërish e paparashikuar. Sa herë dita ka emrin e Sinanit, një ditëlindje, një përvjetor a një gëzim të veçantë për të, e para që angazhohet për t’i dhuruar diçka speciale është Andrra.
Me rastin e 42-vjetorit të lindjes, Andrra i ka mbledhur të gjithë miqtë dhe të afërmit në një festë surprizë për bashkëshortin.
https://www.instagram.com/p/BYq_jG0gHYv/
Gëzimin për këtë datë të shënuar, Andrra e ka ndarë edhe në Instagram duke postuar foto dhe video nga festa me një dedikim special: “Gëzuar ditëlindjen thesari i zemrës sime! Fjalët s’do mundeshin kurrsesi të jepnin të plotë portretin e dashurisë që zemra ime mbart për ty. Sa herë thellohem në sytë e tu, humbem sikur në botë të frymonim vetëm ne të dy. Ne çdo moment të ndiej në pafundësinë time. Të dua aq sa s’mund të thuhet, mendohet, imagjinohet…”
E veçanta e festës është, pa dyshim, torta e ditëlindjes, e cila është menduar edhe këtë herë brenda muzikës, me mikrofonin, pianon dhe çelësin Sol. Natyrisht, nuk mund të mungojë aty urimi i Andrrës për njeriun e zemrës.
