Allegri: Nuk pendohem që u largova nga Juventusi

Allegri: Nuk pendohem që u largova nga Juventusi

338
0

Ish-trajneri i Juventusit, Massimiliano Allegri, ka thënë se nuk pendohet aspak që u largua nga pozita e trajnerit e klubit italian, si dhe sugjeroi se Interi mund ta fitojë titullin e Serisë A këtë sezon.

Massimiliano Allegri e drejtoi Juventusin në pesë tituj radhazi të Serisë A, mirëpo e la këtë pozitë në fund të sezonit të kaluar, duke i lënë vend Maurizio Sarrit, transmeton Gazeta Express.

Absolutisht nuk pendohem për vendimin që e mora me Juventusin, gjërat nuk duhet të sforcohen. Pas pesë vjetëve, kishte ardhur koha për një pushim. Ndoshta presidenti e kishte kuptuar këtë gjë para meje”, tha 52-vjeçari.

Ne arritëm shumë, në krahasim me kohën kur u emërova trajner – kur të gjitha llojet e perimeve u gjuajtën në drejtim timin në Vinovo. Unë ende e kam një lidhje të mirë me Angellin. Kaluam shumë kohë bashkë gjatë verës”.

“Ai është ende i ri dhe ka shumë pikëpamje të mrekullueshme për futbollin evropian. Ai po bën gjithçka të mundur për ta përmirësuar futbollin italian”.

Ish-trajneri i Milanit u pyet pastaj për Interin e Beppe Marottas dhe tha se ata mund t’ia marrin Juventusit titullin e Serisë A këtë sezon.

“Unë kisha fituar edhe me Marottan edhe pa të në Juventus. Ai e ka ndërtuar një skuadër të fuqishme në Inter dhe e ka bërë një zgjedhje të mirë me Antonio Conten. Ata mund ta fitojnë titullin e Serisë A”.

“Tani që kam mbetur pa punë, më në fund mund t’i shijoj ndeshjet. Kur isha trajner, asnjëherë nuk shikoja prapa”