Blerina Bajko, vajza e Agmin Bajko dhe partneri i saj, moderatori Ardit Roshi i kanë dhënë fund lidhjes së tyre. Revista Story shkruan se dyshja janë ndarë vetëm gjashtë muaj pasi pritej të bëhej dasma e tyre, për arsye që ende nuk dihen. Vetëm pak javë më parë, e ftuar në studion e emisionit “Një këngë për ty”, që moderohej nga Roshi, Blerina u suprizua nga partneri. Ky i fundit iu ul në gjunjë dhe i propozoi për martesë vajzës së aktorit, por tashmë duket se gjithçka ka marrë fund. Deri më tani asnjë prej tyre nuk është prononcuar në lidhje me ndarjen dhe na mbetet të presim për të mësuar arsyet.
