Një paralajmërim të fortë për zhvillime të papritura kanë dhënë dje disa gazetarë të mirëinformuar të kronikës. Duke komentuar dosjen “Habilaj” dhe implikimin e ish-ministri të brendshëm Saimir Tahirit në emisionin “Byro Politike”, në ABC NEWS të gazetares Juli Xhokaxhi. Gazetarët janë shprehur se priten zhvillime të rëndësishme. “Nesër, në orën 10-11 do ketë arrestime!” ka thënë Artan Hoxha. (thënë dje). “4 qeli VIP janë gati në Burgun e Sigurisë së Lartë, këta janë persona që konsiderohen prurje të reja të çështjeve të fundit”, tha gazetari Basir Çollaku. Hoxha ka shtuar se këto organizata nuk u krijuan dje dhe se kanë vite që operojnë në vendin tonë. Ndërsa gazetari Ferdinand Dervishi tha se përgjimet italiane tregojnë se policia shqiptare është është e kriminalizuar dhe se prokuroria është e kapur nga politika, duke shtuar se edhe shërbimi sekret është jashtë loje sepse sipas tij aty punojnë njerëz të paaftë. “ Këto përgjimet italianë vërtetojnë edhe një gjë tjetër që policia shqiptare është e kriminalizuar dhe e kapur nga politika, prokuroria është e kapur nga politika, dhe mos harrojmë se kulmi I kapjes nga politika ishte sulmi që prokurori i bëri ambasadorit amerikan, shërbimi sekret është jashtë loje, sepse shumica në shërbimin sekret janë të paftë. Jemi në një moment që nuk e di se çfarë po ndodh në këtë vend”, tha Dervishi.
