Nga Eglantina Alliaj
Ka vendosur të bëhet pjesë e LIBRA, për shkak të modelit që ofron kjo parti. Ka zgjedhur të kandidojë në Tiranë, pasi është lindur dhe rritur në këtë qytet, por edhe për shkak të marrëdhënieve njerëzore. Ashtu sikurse ajo pohon, është e papërlyer më parë politikisht, dhe nën petkun e drejtësisë së Librës, ka menduar që mbështetja do jetë akoma më e madhe. Kjo është Aida Nico, kandidatja e LIBRA në Tiranë. E kemi parë të qëndrojë shumë afër shtresave në nevojë, pa e bërë publike nismën e saj, atë të dhënies së pagës azilit të pleqve. Në një intervistë për “Vizion.com.al”, Aida Nico flet për kandidimin e saj me këtë parti, qëlllimin pse hyri në politikë, dhe çfarë premton ajo nëse nesër do jetë në sallën e parlamentit.
Zonja Aida Nico, ju jeni kandidate për LIBRA në qarkun e Tiranës. Pse vendoset të përfaqësoni këtë forcë politike?
Vendosa të bëhem pjesë e Librës, që në krijimin e saj për shkak të shpresës dhe modelit të Librës për njerëzit e zakonshëm.
Në programin tuaj elektoral, çfare mbështetje do t’i jepni këtij komuniteti për ekonominë, por edhe për probleme të ndryshme sociale?
Si anëtare bordi e AUEC, më shumë se kushdo unë di problematikat e moshës se tretë sot. Që nga pensionet e ulëta, të cilët s’mund të përmbushin shpenzimet mujore vetjake, zëri im do jetë për rritjen e pensioneve dhe përmirësimit të kushteve në azilet e pleqve, dhe sistemit të mbikqyrjes së problematikave të ndryshme sociale.
Nga ju erdhi ftesa që të kandidoni për këtë forcë politike?
Në LIBRA nuk vjen me ftesë kandidimi, pasi dhe modeli i funksionimit
të partisë brenda është ndryshe nga forcat e tjera, baza jane demokracia midis nesh. Unë plotësova formularin për kandidim dhe pas intervistës sime në Komisionin e Etikës në Libra, bërthama, organi më i lartë në libra më votoi për të qenë pjesë e listës.
Cila është mbështetja juaj në këtë zonë?
Zgjodha Tiranën pasi unë jam e lindur e rritur në Tiranë. Për shkak dhe të natyrës dhe marrëdhënieve njerëzore, dhe e papërlyer më parë politikisht, dhe nën petkun e drejtësisë së Librës, mendoj që mbështetja do jetë akoma
më e madhe.
Kush është Aida Nico , dhe çfarë do të ofrojë ajo nëse nesër do të jetë në parlament?
Aida Nico është një qytetare e Tiranës, njeri i zakonshëm, njeri që do Vendin e saj, drejtësinë, meritokracinë, zhvillimin e Shqipërisë, dhe nëse qytetarët e Tiranës më zgjedhin që unë t’i përfaqësoj në parlament, do jem zëri i tyre dhe në asnjë moment s’do ngrija kartonin për asnjë çështje që penalizon sovranin, për interesa personale.
Ju keni deklaruar se paga juaj do të shkojë për azilin e pleqve…deri më sot asnjë deputet nuk e ka bërë një gjë të tillë..
Nuk kam dashur të bëj bujë mediatike deklarata ime dhe absolutisht abuzim elektoral me këtë gjë. Kjo është një nismë e imja, të cilës unë do t’i qëndroj, pasi janë shtresa më e penalizuar sot në Shqipëri. Të gjithë kemi prindër, gjyshër, të cilët kanë nevojë për përkujdesje, sidomos në këtë valë varfërie që ka kapur Shqipërinë. Nëse ata mua më zgjedhin për të shkuar në parlament, kjo është nisma e parë e mundësive që kam unë për t’i kthyer atyre besimin.
