Ministri i Jashtem ne detyre i Kosoves, Behgjet Pacolli
Ministri i Jashtëm në detyrë i Kosovës, Behgjet Pacolli, ka reaguar pas incidentit diplomatik dhe dhunës ndaj Ambasadës së Malit të Zi në Beograd nga ekstremistë serb.
Me anë të një postimi në rrjetin social twitter, Pacolli e ka dënuar këtë akt dhune si dhe ka theksuar se Beogradi nuk duhet të bëhet si Bagdadi transmeton newsbomb.al.
Ndër të tjera ministri i Jashtëm i Kosovës ka deklaruar se Serbia nuk duhet të nxisë sulme ndaj misioneve diplomatike si Irani pasi nuk nevojitet një kopje e Iranit në Ballkan.
Postimi i plotë:
Dënojmë aktin e flamurit të përdhosur malazez në Ambasadën e Malit të Zi në Beograd.
Sulmi ndaj një misioni diplomatik është absolutisht i papranueshëm. Beogradi nuk duhet të bëhet Bagdad.
Serbia nuk duhet të jetë si Irani që nxit sulme ndaj misioneve diplomatike. Nuk kemi nevojë për një kopje të Iranit në Ballkanin Perëndimor.
