Një ngjarje e rëndë ka ndodhur në shtetin fqinj, Greqi, ku si pasojë e një shpërthimi të fuqishëm në fabrikën ku bëhej përpunimi i pijeve alkoolike, janë dërguar me urgjencë në spital 8 persona.
Shpërthimi ka ndodhur gjatë paradites së sotme në Larisas të Greqisë, rrugës për në Tyrnavo.
Mediat greke bëjnë me dije se shpërthimi ndodhi në një kazan të përpunimit të pijeve, në ambientet e fabrikës.
Për pasojë janë plagosur tetë persona, të cilët po dërgohen në spital për të marrë ndihmën e nevojshme mjekësore.
Ndërkohë forcat zjarrfikëse kanë mbërritur në vendngjarje dhe po punojnë për shuarjen e flakëve.
