Edhe java e ardhshme pritet të mbizotërohet nga rrezet e diellit dhe temperatura të ngrohta. Kështu bën të ditur Shërbimi Meteorologjik Ushtarak i cili njofton se prej ditës së premte moti do të ndryshojë duke kur vendi do të përfshihet nga reshje shiu e dëbore në ekstremet malore.
“Java pritet të nisë me mot me diell dhe shtim gradual të vranësirave. Deri në mes javë, reshjet e përkohshme të shiut do të përqendrohen në pjesën veriore dhe qendrore të vendit. Intensiteti i tyre, do të jetë i dobët e përkohësisht gjatë së mërkurës e të enjtes mesatar. Deri në këtë ditë, erërat hera herës të vrullshme jugore, do të krijojnë kushtet për rritje temperaturash si më poshtë. Ndryshim i situatës meteorologjike, do të vijë ditën e premte, kur vendi do të përfshihet nga reshje shiu e dëbore në ekstremet malore. Këto reshje, parashikohen me intensitet dhe në formën e rrebesheve, pasdite e në mbrëmje të së premtes”, njofton SHMU.
Deri atëherë SHMU ju fton të shijoni rrezet.
