Ministri i Jashtëm rus, Lavrov gjatë konferencës që mbajti sot pas takimit me homologun e tij ukrainas, iu referua sot luftës në Kosovë duke bërë edhe një krahasim me atë që po ndodh në Krime. Ai tha se shqiptarët e Kosovës u lejuan që të shpallnin pavarësi, dhe pse nuk iu lejohet qytetarëve të Krimesë?!
“Ju duhet të kuptoni logjikën tonë që është e qartë, ne duam një Ukrainë të çmilitarizuar, një Ukrainë që nuk përbën kërcënime dh e nuk është një vend nazist dhe s’do të ndalojë kulturën dhe gjuhën ruse.
Pati një përjashtim të gjuhës ruse, pati pakënaqësi dhe nga pala hungareze.
Perëndimi heshti, dhe punoi kundër interesave ruse. Këtë ka bërë dhe me referendumin në Krime.
Kur nuk pati dhe një referendum në Kosovë, NATO krijoi një situatë me bombardime për të bërë shkatërrimin e Jugosllavisë. Kur autoritetet lokale shpallën pavarësinë në Kosovë, i gjithë perëndimi, thuajse i gjithë, e përgëzuan dhe e mbështetën si një manifestim të demokracisë dhe lirisë së zgjedhjesh.
Përse duhet shqiptarët të lejohen që ta bëjnë këtë gjë dhe qytetarët e Krimesë mos ta bëjmë këtë?
Shqiptarët u lejuan, u nxitën, u promovuan. Sepse një vend si Britania ka qenë gjithmonë për të ndaluar vendet e mëdha në Ballkan, ndaj me këtë qëllim u ndodh dhe ndaj federatës ruse”, tha Lavrov.
