Ditën e djeshme, moderatorja Alketa Vejsiu ndau me të gjithë lajmin se do të jetë pjesë e listës së prezantuesve të festivalit të famshëm italian Sanremo 2020.
Të shumta kanë qenë reagimet pas këtij lajmi, ku në drejtim të Alketës nuk kanë munguar urimet, por edhe kritikat.
Mirëpo, vëmendjen e ka marrë urimi i vëllait të saj, Endri Vejsiu, i cili e quan moderatoren ‘krenari’.
‘URIME KRENARIA IME’, shkruan Endri Vejsiu, duke e shoqëruar me një emoji zemrash.
Ndërkohë që nuk ka munguar as përgjigja e Alketës: ‘Të kam shpirt’.
Vëllai i Alketa Vejsiut, Endri Vejsiu u arrestua në vitin 2018 më parë më parë pasi u kap me 4 mina me telekomandë në Lezhë.
29-vjeçari u shpall fajtor dhe u dënua fillimisht 10 vite burg për veprat penale “Prodhimi dhe shitja e narkotikëve” dhe “Mbajtja pa leje dhe prodhimi i armëve, armëve shpërthyese dhe municionit”.
Më pas gjykata e dënoi me 4 vite burg, ndërsa së fundmi ka vendosur që dënimi që i ka mbetur Endrit Vejsiu ta shlyejë me shërbim prove.
Kujtojmë se Vejsiu u arrestua në aksin rrugor Milot-Lezhë, ku kishte fshehur në makinën e tij tip “Opel”, 4 mina me telekomandë, 3 kilogramë kanabis dhe pistoletë TT. Në operacionin e quajtur “Telekomanda” u arrestuan edhe 3 persona të tjerë, Gentjan Elezi, Gentjan Tafa dhe Eris Gjoni.
