Edhe pse vitet kanë kaluar, kënga ‘Kthehu për vete, për mua’ është një nga më të dëgjuarat e motrave Libohova.
Pasditen e sotme, Eranda ka treguar disa të fshehta nga ‘Festivali i Dhjetorit `96’.
Përveç 7 palë getave që kishte rregulluar në moment të fundit, po brenda asaj dite, ajo ka rrëfyer se ka lyer dhe këpucët në ngjyrë të verdhë tek një këpucar i lagjes.
‘Kisha sarafin e verdhë dhe për ta kombinuar, ia çova këpucarit 3 orë përpara festivalit për t`i lyer. I kisha blerë në Zvicër dhe ishin ngjyrë e zezë. Mbaj mend që kur dola në festival, këpucëve nuk iu ishte tharë mirë boja’, ka pohuar me të qeshur Eranda.
Më tej këngëtarja ka shtuar se fustanin që e ka veshur në festival e ka ende dhe e ruan me fanatizëm. Madje edhe tani po ta përdor i qendron në trup si dikur.
