Nuk i mungon aspak fantazia dhe shpirti i iniciativës Owura Kwadwo, mësues në Ganë. Pasi ka studiuar grafikë, mësuesi ka vendosur të nxjerrë në pah aftësitë e tij, duke u mësuar nxënësve krijimin e një dokumenti “word” pa kompjuter, por duke e vizatuar në dërrasën e zezë një “screenshot” për t’u kopjuar dhe mësuar. Që kur postimi i tij në “FacebooK” është bërë viral, Kwadwo ka marrë shumë oferta për të mësuar kompjuter dhe material didaktik. Nëse në qytetet e mëdha të shtetit afrikan si Acra dhe Kumasi, është më e lehtë që qeveria të shpërndajë në shkolla kompjuterë dhe mjete të tjera mësimore, e njëjta gjë nuk mund të thuhet për institucionet e pranishme në zonat më të izoluara të vendit. “Ka shumë shkolla që hasin këtë problem”, – ka shpjeguar Bored Panda, duke premtuar për të dhuruar një pjesë të donacioneve të marra në klasa të tjera.
