Kreu i Partisë Demokratike Lulzim Basha nuk ka marrë asnjë përgjegjësi për humbjen që ka pësuar forca që ai drejton në zgjedhjet e pjesshme lokale të ditës së djeshme.
Basha tha se zgjedhjet e 6 Marsit, ishin produkt i një anomalije, ndërkohë që tentoi të gjente ‘shpëtim’ për humbjen e thellë te mospjesëmarrja në zgjedhje nga ana e qytetarëve.
Lulzim Basha:
Së pari dua që procesi të përfundoj, iu bëj thirrje numëruesve që të përfundojë procesi. Procesi i 6 Marsit ishte një anomali e një anomalije, e para ishte anomalia e zgjedhjeve moniste të 2019-tës, dhe e dyta anomalia me kryebashkiakët e kriminalizuar.
Në kushtet që nuk ka asnjë reflektim për anomalitë e tjera, shumica dërrmuese e kanë kuptuar që vendi ka nevojë për një reformë të thellë zgjedhore.
Sot kemi një sistem politik që është vënë në shërbim të politikanëve, që varfëron qytetarët.
Nuk ka shqiptar që nuk e kupton që 6 Marsi nuk është një normalitet, po është një anomali. Është një fakt që qytetarët e braktisën procesin zgjedhor, pasi nuk kishte asnjë garanci shtesë, PD-së iu mohuan komisionerët.
Aleanca e nongratave kërcënoi komisionerët vendas në Vorë, ne kemi dërguar në SPAK 3 kallëzime, besoj se këtu jemi për diçka që shkon përtej kësaj. Është arritur në një pikë të papranueshme, për shkak të mospjesëmarrjes, një pjesë e kësaj padyshim që na takon ne, është nevoja për tiu folur njerëzve.
