Një burrë derisa po ecte rrugëve të New Yorkut, pa një të pastrehë të shtrirë në tokë në këto ditë të ftohta dhe pa u menduar dy herë zhveshi pallton me të cilën e mbuloi të pastrehun.
Por ky veprim i tij i mirë vetëm sa i kushtoi shtrenjtë, i pastrehu lëre që nuk u tregua falënderues, por e grushtoi dhe i mori portofolin nga xhepi.
Kamerat e sigurisë kanë kapur momentin kur viktima 59-vjeç u mundua ta ndihmojë 25-vjeçarin Xavier Israel, i cili po qëndronte i shtrirë në trotuar në rrugën 456, në ditët kur temperaturat kanë rënë nën zero.
Viktima u mundua të tregohet tejet i kujdesshëm duke e mbuluar ngadalë me pallton që e kishte veshur, por Israel u ngrit shpejtë në këmbë duke e përplasur për tokë.
Ai filloi ta grushtoj dhe në një moment ia nxori nga xhepi portofolin, duke u larguar me shpejtësi nga vendi i ngjarjes.
Megjithatë disa orë më vonë i pastrehu u arrestua nga policia, dhe ndaj tij rëndojnë pika të aktakuzës për sulm fizik dhe vjedhje.
