Ka shumë mënyra të ndryshme për të tërhequr vëmendjen dhe për të gjetur një punë. Adam Pacitti në Angli gjeti mënyren me të veçantë nga të gjithë! Djaloshi i cili doli nga universiteti në vitin 2012, aplikoi në 250 kompani të cilat e refuzuan. Kështu ai vendosi që të hapte një faqe interneti me emrin ‘EmployAdam.com’ dhe madje bleu dhe një tabelë gjigante në autostradën e Anglisë e cila shkruante ‘Harxhova 500 pound që më kishin ngelur me këtë tabelë. Ju lutem më jepni një punë’. Pas kesaj Adam u bë aq i famshëm sa arriti që të gjente një punë si organizator në një kompani reklamash dhe madje faqja e tij u bë e famshme dhe tani ai ndihmon të rinjtë të të gjejne një punë. Me siguri që kemi nevojë për me shumë fantazi dhe kreativitet në arritjen e qëllimeve tona.
