Kryetarja e LSI Monika Kryemadhi prezantoi sot Ekipin e Gjeneratës për Ndryshim, nga ku “thumboi” kryeministrin Rama dhe kryedemokratin Basha.
Kryemadhi vuri në dukje se “kemi nevojë për një Parlament të vërtetë dhe jo teatër që certifikon aferat korruptive mes dy personave që mbajnë peng Shqipërinë”.
Kryetarja e LSI vuri në dukje në fjalën e saj një nga kërkesat e kahershme të forcës politike që ajo drejton zgjedhjen e presidentit nga populli.
FJALA E KRYEMADHIT
Faleminderit per ftesen ne startimin e kesaj inisiative kaq te rendesishme. GEN…Ekipi i Gjenerates per Ndryshim, me pelqen tejmase ky emer qe e keni quajtur ekipin tuaj.
Kur me erdhi njoftimi juaj qe me shpjegonte cfare kishte ndodhur, si e keni ideuar dhe hapat qe keni ndermarre, e kam vleresuar si aktivitetin politik me te rendesishem qe eshte zhvilluar ndonjehere brenda LSI ne keto 2 dekada.
Ne vijme sot pas zgjedhjeve te 25 prillit. Kontributi i shume prej jush qe kane qene kandidate ne qarqet e Shqiperise ka qene i jashtezakonshem, dhe une ju perulem me mirenjohje qe keni perfaqesuar vlerat me te mira te gjenerates tuaj, duke e bere oferten e LSI shume here me te vlefshme.
Votat e LSI ne realitet jane mbeshtetje per qendrimet tuaja. Per vizionin qe keni parashtruar. Fatkeqesisht pesha e madhe elektorale qe qytetaret ju dhane juve si te rinj, nuk u perkthe ne mandatet e duhura te perfaqesimit ne parlament, per shkak te sistemit te padrejte zgjedhor.
Pas 25 Prillit ne kemi dashur te conim perpara ndryshime rrenjesore qe te rikthenin besimin tek Shqiperia, per ta bere Shqiperine shtepine e te gjithe shqiptareve.
Ne kemi dashur te realizojme ndryshime qe te sigurojne delegimin e sovranitetit te popullit nepermjet votes, e cila nuk vidhet, tjetersohet, blihet, manipulohet:
- Ne do te realizonim ndryshimet e nevojshme ligjore e teknike, qe te krijohet mundesia, per te votuar te gjithe shiptaret jashte vendit. Te cilet mos te perdoren mish per top sa here kane nevoje politika per ta. Te marrin edhe pergjegjesi per drejtimin e puneve te vendit, por edhe vleresimin qe meritojne.
- Ne do te realizonim, ne konsultim te gjere me te gjithe publikun, nje reforme te thelle dhe e vertete per zgjedhjet. Qe Identifikimi, votimi dhe certifikimi i rezultateve te votimit te jete i pakontestueshem dhe ne kohen sa me te shpejte te mundshme. Ne pershtatje me vendimin e Gjykates Kushtetuese, do te benim qe kodi zgjedhor te rregullohet dh qe partite politike ose kualicionet ti kene listat e kandidateve 100 perqind te hapura, normalisht duke i lene mundesine edhe atyre qe duan ti mbajne pjeserisht te mbylluara per ti lejuar ta mbaje te mbyllur listen deri ne 30 perqind.
- Do te mund te realizonim nje ndarje elektorale te ndershme te Shqiperise, me qellim qe cdo deputet te kete te njejten peshe perfaqesimi, dhe te ngushtohet mundesia e daljes deputet te personave qe kane influenca lokale, te bazuar ne veprimtari te paligjshme.
- Do te mund te realizonim permes te rinjve tane qe do te ishin ne parlament, ndryshime ligjore per nderprerjen e financimeve te paligjshme, kriminale te partive politike, apo te kandidateve per deputet, apo drejtues te aeverisjes lokale.
- Gjithashtu, pas 25 prillit ne listen e detyrave tona ishin edhe realizimi i ndryshimeve ligjore qe te zhbenin shkaterrimin kushtetues te vitit 2008. Qe te realizonim kontrollin dhe balancimin real te pushtetit legjislativ me ate ekzekutiv dhe rritjen e transparences dhe mireqeverisjes.
Te tilla si:
- Ndryshimi i formulimit te permbajtjes se mocionit te Mosbesimit dhe atij te Besimit. Qe Shqiperia te mos jete me nje republike kryeministrore, por te ngrejme parlamentarizmin ne fuqine e vertete qe parashikonte Kushtetuta e 1998 e miratuar me referendum.
- Ndryshimi i formulimit te ligjit per referendumet, me qellim qe te realizohet praktikisht. Sepse nuk ka asnje llogjike qe politikanet shqiptare zgjidhen cdo 4 vjet ne Parlament, dhe e izolojne vendimmarrjen nga qytetaret.
- Rregullim ligjor,per te rritur efektivitetin dhe per te patur rezultate konkrete te komisione hetimore parlamentare. Sepse eshte vertetuar se komisionet hetimore keto 30 vjet kane sherbyer si qoka per ti mbyllur aferat korruptive, ne vend qe ti mbajne pergjegjes ata qe duhet te japin llogari para qytetareve.
- Ndryshime ligjore per PPP, koncesionet, tenderimet( transparance, gare midis subjekteve, etj)
- Ristrukturim i administrates publike, duke ecur me parimin qeveri e vogel( 10-12 ministri) dhe institucione e drejtori qendrore te riorganizuara( 100-150),Institucione varesie e drejtori), pjese e Administrates Publike.
- Pa harruar edhe nje pike qe ne si LSI e kemi besuar fort qe ne gjenezen tone: Zgjedhja e Presidentit drejperdrejt nga populli.
Jam e bindur se permes ketyre ndryshimeve do te realizohej me se miri:
- Balancimi i pushtetit legjislativ- Ekzekutiv – Gjygjesor.
- Rritja sovranitetit te popullit, pasi zgjedh drejtuesin e shtetit me vote te drejperdrejt.
- Detyrimi i partive politike per te zgjedhdur kandidate dinjitoze, duke ja dhene mundesine e perzgjedhjes popullit ne listat e hapura realisht.
- Presidenti behet realisht institucioni mbi palet politike, mbajtes i sovranitetit te popullit, dhe drejtuesi real i negocimit te krizave politike, qe jane te pashmangshme ne nje vend demokratik.
Tashme mundesia per ti realizuar te gjitha keto me siper, per shkak te numrave modest qe ne kemi ne Kuvend nuk ekziston; por une e mirepres aktivizimin tuaj per ta cuar betejen qe nisem ne nje hap tjeter.
Ju duhet te sfidoni sistemin aktual. Sistemin akutal ne menyren si zhvillohet jeta politike dhe demokratike ne Shqiperi; por edhe sistemin brenda partise, aty ku eshte gjeneza e cdo gjeje ne fakt.
Do te ndjek me shume vemendje te gjithe punimet e GEN, me premtimin per te qendruar e hapur dhe mirepritese e platformes qe ju do te hartoni ne konsultim me strukturat e partise, me shoqerine civile dhe me intelektuale dhe profesioniste te gjenerates tuaj jashte partise.
Jam e bindur se produkti qe GEN do te sjelle, do te mundesoje LSI qe te riformatohet, te ridimensionohet, per te qene vertete nje force politike e gjenerates se fundit, e gjenerates tuaj; e qe te realizoje permes imponimit ne jeten politike ndryshimin e Shqiperise qe gjenerata e te rinjve dhe te rejave tane te mrekullueshem meritojne.
