ITALI– Pandemia e koronavirusit ka gjunjëzuar botën në të gjitha drejtimet. Tashmë njerëzit po qëndrojnë pjesën më të madhe në karantinë, shumica e bizneseve janë të pezulluara për momentin dhe i gjithë globi po përfshihet nga një krizë ekonomike.
Por, a e keni menduar ndonjëherë se si ja bëjnë eskortat tani që bota është nën izolim?! Të mbetura pa punë, eskortat në Itali kanë vendosur të kërkojnë një subvencion në INPS (Instituti Kombëtar i Sigurimeve Shoqërore), për të fituar një bonus prej 600 eurosh.
Shumica e eskortave në shtetin fqinj i realizojnë fitimet e tyre gjatë muajve prill, maj dhe tetor, por tashmë 120 mijë prej tyre po përballen me një krizë, që i ka lënë në mes të katër rrugëve.
Sipas një studimi mbi mundësinë e kërkimit të subvencionit INPS ose ndonjë formë tjetër të ndihmës nga agjensitë dhe shoqatat, të bërë nga Escort Advisor rezultoi:
46% e eskortave thanë se absolutisht nuk do të kërkojnë INPS ose ente të tjera sepse nuk u duhen.
28% thanë se nëse kriza zgjat disa muaj do të heqin dorë nga kjo punë.
14% nuk përjashtojnë se ai duhet të kërkojë ndihmë duke filluar nga muaji tjetër.
12% menjëherë iu desh të kërkojnë ndihmë për të mbijetuar.
Në zyrën virtuale të Escort Advisor Rossana-n, një eskortë nga Firence, ka treguar vështirësitë që po has në këtë periudhë, ndërsa është me dy fëmijë në shtëpi, dhe nuk realizon dot video-chat me klientë: “Ne, si të gjithë, jemi të detyruar të paguajmë taksat për një punë të panjohur dhe të vështirë për të dokumentuar. Edhe nëse paguajmë taksat, qiratë, faturat dhe të gjitha shpenzimet që kanë të gjithë, në fund të fundit, veçanërisht në këto momente krize, ne kurrë nuk kemi asgjë në këmbim nga shteti. Unë kam dy fëmijë dhe as nuk mund të bëj video erotike sepse nuk mund t’i lë ata vetëm dhe sepse nuk kam një hapësirë të veçantë për ta bërë atë në shtëpi pa i parë ata “.
Por, nga ana tjetër ka mjaft eskorta që kanë siguruar kursime, jetojnë në një apartament vetëm, realizojnë ende video-chat erotike, dhe për ta puna vazhdon me të njëjtat ritme.
Burimi: affaritaliani.it
