Google ka çaktivizuar përkohësisht mjetet që ofrojnë informacion të drejtpërdrejtë në lidhje me kushtet e trafikut në Ukrainë, konfirmoi kompania për VICE World NeWs, pas raporteve se njerëzit në mbarë botën po përdornin shërbimin për të gjurmuar lëvizjet e trupave dhe civilëve gjatë pushtimit rus.
Sipas mediave të huaja, të dhënat direkte të Google Maps funksionojnë duke përfshirë informacionin e vendndodhjes dhe shpejtësisë që shihet lehtësisht në kohë reale nga telefonat inteligjentë përmes aplikacionit.
Kur presidenti rus Vladimir Putin nisi një sulm ndaj Ukrainës javën e kaluar, kompania kuptoi se nuk duhet të jepte informacion lidhur me vendndodhjen e operacioneve ushtarake.
“Mendoj se ne ishim njerëzit e parë që pamë pushtimin. Dhe ne e pamë atë në një aplikacion”, tha Jeffrey LeWis, një ekspert i inteligjencës dhe profesor në Institutin Middlebury, për Motherboard, pasi vuri re një bllokim të pazakontë trafiku që po zhvillohej rreth qytetit kufitar rus të Belgorod të enjten në mëngjes.
