U fol si nje alternative e mbrojtjes se Tiranes, por pas gati 8 muajsh pa zbritur në fushën e lojës, Arlind Ajeti tashmë është gati për t’u rikthyer. Ashtu siç ishte përfolur, mbrojtësi shqiptar ka firmosur me skuadrën e Velje Boldklub në Danimarkë.
Në klubin e ri futbollisti do të gjejë një tjetër shqiptar, Ylber Ramadanin, që prej disa kohësh luan për ekipin danez. Vejle këtë sezon luan në kategorinë e dytë, ku synon ta përfundojë kampionatin në vendin e parë, pozitë të cilën e mban aktualisht.
Në këtë mënyrë mund të sigurojnë edhe ngjitjen në elitë dhe lojtari kuqezi shihet si një vlerë e shtuar në prapavijë për të përmbushur objektivin e këtij sezoni.
