Në mesin e një tregu muzikor ku shpeshherë pamja e jashtme ka prioritet më të madh sesa talenti dhe muzika, këngëtarja Xhensila Myrtezaj ka ditur të jetë ndryshe.
Pa operacione plastike dhe komplikime në dukje, ajo ka dhënë një imazh që i ka munguar skenës muzikore viteve të fundit. E kemi parë pa grim në intervista, por edhe më të shpeshta se paraqitjet televizive në formë të tillë janë ato në rrjete sociale.
Xhensila ka vulosur sërish epitetin e një bukurie natyrale me foton e fundit. E freskët, plotësisht vetëvetja, ajo ka mahnitur ndjekësit me imazhin e postuar nga shtrati, ende pa u zgjuar mirë, shkruan ‘Prive’. Kujtojmë se shumë shpejt, nga këngëtarja e shumë hiteve pritet të vijë një bashkëpunim.
