Kategoria Superiore do të zhvillojë sot sfidëne parë për javën e 24. Kalendari ka rezervuar sfidën derbi, me Tiranën që do “përplaset” me Partizanin. Në orën 19:00, stadiumi “Air Albania” pritet të jetë i tejmbushur nga intersimi i jashtëzakonshëm i tifozerisë. Bardheblutë janë pritës dhe kësisoj nuk duan të zhgënjejnë mbështetësit e tyre, pas 10 ndeshjeve pa humbje.
Trajneri Emmanuel Egbo i ka idetë e qarta, duke hedhur në fushë formacionin “tip” të javëve të fundit. Kryesuasit e Superligës do të luajnë me Likën në portë, teksa në mbrojtje do të rrestohen: Doka, Muça, Vangjeli e Hoxhallari. Muskujt do t;i besohen sërish Bathës, teksa Çelhaka do të jetë përkrah tij. Dilema e vetme është për argjentinasin Torasa, që vuan një lëndim nga ndeshja e fundit. Sulmuesi ka zhvilluar stërvitje të diferencuar, por gjithsesi pritet ta nisë nga minuta e parë. Bashkë me të, Cobinah e Cale, në mbështetje të shtatëlartit Ngoo.
Formacioni i mundshëm anti-Partizan:
Tirana 4-2-3-1: Lika, Doka, Vangjeli, Muça, Hoxhallari, Batha, Çelhaka, Torasa, Cobinah, Cale, Ngoo Trajner: Emmanuel Egbo
