Më shumë se 500 tërmete kanë rënë në vendin tonë gjatë tre ditëve të fundit, duke shkaktuar jo pak panik në mesin e qytetarëve. Sizmilogu i njohur Rrapo Ormeni ka komentuar situatën, duke thënë se vendi ynë është i rrezikuar nga tërmetet, për shkak se ndodhet pranë bashkimit të pllakave tektonike të Evropës dhe Euroazisë. I ftuar në “News 24”, Ormeni deklaroi se qyteti më i rrezikuar në Shqipëri është Durrësi. Sizmiologu shtonë më tej se janë dy zona tërmetesh në Shqipëri. Sipas tij zona e parë është Shkodër-Durrës-Vlorë, ndërsa tjetra përfshin zonën Vlorë-Lushnje- Elbasan- Durrës. Duke filluar nga mesdita e së mërkurës e deri këtë të premte, sipas sizmologëve vendi ynë është goditur nga 520 lëkundje tërmeti të cilat e kanë origjinën nga zona e Gjirit të Lalzit.
