Policia e Shtetit ka bërë me dije se ka ndërruar jetë e gjithë familja e cila po udhëtonte në automjetin tip ‘Toyota’, të përfshirë në aksidentin në aksin Levan-Vlorë. Dy prindërit së bashku me vajzën e mitur nuk kanë mundur t’i mbijetojnë përplasjes së rëndë sipas policisë, ndërkohë që bëhet me dija se ka ndërruar jetë dhe fëmija tjetër i familjas.
Automjeti me targa greke ku po udhëtonte familja dyshohet se u godit nga mbrapa nga një ‘Audi’ luksoz me shpejtësi tepër të lartë. Për pasojë të plagosur kanë mbetur dhe dy personat që ndodheshin në mjetin ‘Audi’, por jashtë rrezikut për jetën.
Njoftimi i plotë i policisë: Vlorë/Informacion paraprak
Rreth orës 08:23, në autostradën Fier-Vlorë, në vendin e quajtur “Kripa”, një mjet tip “Audi” është përplasur me një mjeti tip “Toyota ”.
Si pasojë e aksidentit, 3 shtetasit që udhëtonin me mjetin “Toyota” (dy të rritur dhe një fëmijë i mitur) kanë ndërruar jetë. Gjithashtu janë dëmtuar dhe dy shtetasit që udhëtonin në mjetin “Audi” (drejtuesi dhe pasagjeri), të cilët po transportohen në spital, për ndihmë mjekësore.
Në vendngjarje ndodhet grupi hetimor, i cili po kryen veprimet e mëtejshme për sqarimin e rrethanave të aksidentit, identifikimin e viktimave dhe të personave të plagosur.
