Cristiano Ronaldo po shkëlqen edhe në moshën 35-vjeçare. Te Juventusi shifrat janë aleatet e tij më të mira, sepse ka shënuar në 10 ndeshjet e fundit në Serie A.
Sido që të shkojë karriera e tij, portugezi mendon se një pasardhës e ka. Ai luan te PSG-ja dhe nuk po flasim për brazilianin Neymar.
Në një video live në faqen e tij në Instagram, 5-herë fituesi i “Topit të Artë” vlerësoi sulmuesin Kylian Mbappe si lojtarin e së ardhmes. “Mbappe është e ardhmja. Ai është shumë i shpejtë, është fantastik”, ka thënë Ronaldo.
Sulmuesi i Portugalisë do të ndeshet me sulmuesin e Francës në fazën e grupeve të Kampionatit Europian 2020. Mezi e presim përballjen e tyre.
