Sot do të zhvillohen 4 ndeshje në këtë kompeticion, 3 prej të cilave e kanë luajtur ndeshjen e vajtjes përpara se sa futbolli të ndalej, ndërkohë që Inter-Getafe që është edhe dueli më interesant i ditës do të luhet me një ndeshje teke në Gelsenkirchen për të përcaktuar se cila skuadër edhe skuadrën çerekfinaliste.
Ziklatrit mbyllën një edicion përgjithësisht pozitiv ku u renditën në vendin e dytë në Serinë A me një pikë më pak se kampionët e Juventusit, ndërsa nga ana tjetër Getafe nuk ruajti ecurinë pozitive, pas rikthimit të La Ligas, ku në 11 ndeshjet e fundit grumbulloi vetëm 8 pikë, duke zbritur nga vendi i 4-rt në të 8-tin.
Për sa i përket ndeshjes, trajneri i skuadrës italiane, Antonio Conte, ka në dyshim skemën me të cilën do të luaj (3-5-2 apo me 3-4-1-2). Sanchez i rrezikon vendin Lautaros, ndërsa ka balotazh mes Skriniar e Godin në mbrojtje.
Ndërsa nga ana tjetër, Bordalas do t’i besojë në sulm eksperit Jorge Molina dhe Jaime Matës. Një duel i gjithi për tu ndjekur në Gelsnekirchen.
Manchester United ka një takim miqësor ndaj Lask Linz. Skuadra e Solskjaer ka fituar 0-5 sfidën e parë në Austri dhe duhet thjesht të zhvillojë një ndeshje formale për të vijuar më tej në çerekfinalet e kompeticionit.
Interesante është sfida mes Copenhagen dhe skuadrës së sapo shpallur kampione e Turqisë Istanbul Basaksehir. Ndeshja e parë e zhvilluar në mars përfundoi 1-0 në favor të ekipit turk pas golit të Viscës, një rezultat që mban gjithçka të hapur në takimin e kthimti në Telia Parken të Copenhagenit.
Shakhtar Donetsk ka kryer një hap të rëndësishëm drejt çerekfinaleve pas fitores 1-2 në ndeshjen e parë në “Volksvagen Arena” përballë Ëolfsburg. Tashmë kampionëve të Ukrainës U duhet vetëm pak kujdes në Olimpiski të Kievit për të qënë në çerekfinalet e Uefa Europa Leagues.
Të 4-ta këto sfida të ndara në dy fasha oraresh, 18:55 dhe 21:00.
