Pamje dramtike publikohen pa pushim nga tragjedia e ndodhur në Bejrut, ku pas një shpërthimi të fortë raportohet të jenë shënuar 78 viktima dhe mbi 4000 të plagosur.
Pamjet e transmetuara nga mediat e huaja kanë bërë xhiron e botës ku tregojnë një qytet të rrënuar tërësisht. Shumica prej pamjeve janë filmuar nga qytetarë të cilët fatmirësisht kanë mundur t’i shpëtojnë këtij shpërthimi.
Shkalla e shkatërrimit është tejet e madhe, dyqane, restorante zyra dhe apartamente kanë pësuar dëme të konsiderueshme nga vala e fuqishme e shpërthimit që siç duket dhe nga pamjet ka përmbysur dhe shkatërruar gjithçka.
