Shorti i fazës me eliminim direkt në Ligën e kampioneve do të jetë i tëri për t’u ndjekur, pasi goglat do të dhurojë padyshim përballje spektakolare. Me ndeshjet e sotme është plotësuar kuadri i 16 skuadrave që vazhdojnë më tej në turne dhe tani përvijohen edhe ata që janë duelet e mundshme në bazë të ndarjes së vazove sipas pozicioneve në grupe.
Juventus e Atletiko bëjnë detyrën, asgjë nuk ndryshon në grupin D / As Murinjo nuk ndal dot Bajernin perfekt, Olimpiakos kalon në Ligën e Europës Bufon për rekord, tani është “Plakushi numër 2” në historinë e Ligës së Kampioneve
Kështu, në vazon e parë janë thuajse të gjitha ekipet e mëdha, me përjashtim të Lajpcig e Valencias. Ndërkohë, në vazon e dytë nuk ka ekipe që mund të cilësohen të lehta apo të kalueshme, pasi me përjashtim të Atalantës, të tjerat janë skuadra të cilat kanë histori në Europë, duke filluar nga fituesit në fuqi të Liverpulit apo rekordmenët e Real Madrid.
Rregullat e shorti të së hënës përcaktojnë që nuk mund të vihen përballë skuadra të të njëjtit shtet, apo ekipe të cilat kanë qenë në të njëjtin grup në turin që sapo u mbyll.
VAZO 1
PSG, Bajern Mynih, Mançester Siti, Juventus, Liverpul, Barcelona, RB Lajpcig, Valencia
VAZO 2
Real Madrid, Totenhem, Atalanta, Atletiko Madrid, Napoli, Borusia Dortmund, Olimpik Lion, Çelsi
