Kastro Zizo së shpejti do të bëhet baba për herë të tretë. E pranoi vetë këtë të diel kur prezantoi këngën me të cilën do të marrë pjesë në festivalin ‘Kënga Magjike’. Kënga e tij titullohet “Pema e jetës” dhe Arditi e ngacmoi për të kuptuar domethënien e kësaj kënge, pra nëse po shtohen degët e kësaj peme dhe Kastro e ka pranuar.
Ai nuk i ka dhënë përgjigje pyetjes së Arditit ‘Çun apo gocë?’ , po ka zbuluar se ky festival është një ogur i mirë, pasi natën e Këngës Magjike në vitin 2006, lindi djali i tij, Dankan.
“Tani që e mendoj, pasi dola te “Kënga Magjike” në 2006 u nisa me vrap se po lindte Dankani, kështu që kompeticioni ka qënë si ogur” ka thënë Kastro.
“Për fëmijët?” -e pyeti Arditi, ndërsa Kastro u përgjigj: “Po!”
Kastro është gjithashtu babai i një vajze të quajtur Nia.
