Dalin pamjet e aksidentit në aksin rrugor Librazhd-Qafë Thanë, ku një trajler përplasi një autobus.
Siç shihet edhe nga fotot, trajleri ka goditur me forcë autobusin, duke shkaktuar vdekjen e një gruaje dhe plagosjen e dy të tjerave.
Raportohet se ka ndërruar jetë shtetasja R.H. 82 vjeçe ka ndërruar jetë, si dhe janë lënduar lehtë shtetaset D.M., 63 vjeçe dhe A.G., 44 vjeçe, të cilat fatmirësisht jashtë rrezikut për jetën.
Autobusi ka dëme të shumta materiale, ndërsa dyshohet se shkak i aksidentit ishte rrëshkitja e trajlerit nga lagështia në rrugë.
“Në aksin rrugor Librazhd- Qafë thanë, në vendin e quajtur “kthesa e gomave”, një mjet trajler me drejtues shtetasin A.H., banues në Durrës, si pasojë e lagështirës ka goditur autobusin me drejtues shtetasin Th.K., banues në Elbasan, si pasojë e aksidentit shtetasja R.H. 82 vjeçe ka ndërruar jetë, si dhe janë lënduar lehtë shtetaset D.M., 63 vjeçe dhe A.G., 44 vjeçe jashtë rrezikut për jetën, të cilët ishin pasagjerët në autobus”, thuhet në njoftimin e policisë.
Sakaq, grupi hetimor ndodhet në vendngjarje dhe po punon për zbardhjen e plotë të shkakut të aksidentit.
