Pavarësisht pritjes prej heroi të vërtetë dhe dashurisë pa kushte të tifozëve që e rrethon gjithmonë, Diego Armando Maradona nuk po arrin të ndryshojë sezonin e Gimasia La Plata. Legjenda e futbollit botëror mori drejtimin e skuadrës pak javë më parë, por ajo vazhdoin të regjistrojë vetëm humbje, duke u zhytur më tej në fundin e renditjes.
Gimnasia u mund nga River Plate, pavarësisht mungesave të shumta të rivalëve, ndërsa kjo disfatë ka rënduar situatën e Maradonës, që ka shpërthyer në lot në përfundim të ndeshjes. Po ashtu, kjo ecuri rrezikon të mbyllë përpara kohe aventurën e “Pibe D’Or” në pankinën e Gimnasia La Plata.
