Kristiano Ronaldo edhe pse në moshën 34-vjeçare, ka përsëri dëshirën për të pasur sukses dhe për të fituar gjithçka.
Portugezi ka hyrë në sezonin e dytë me Juventusin, me të cilët shpreson të fitojë Ligën e Kampionëve, e cila është një dëshirë e madhe në kampin bardhezi.
“Zonja e Vjetër”, këtë sezon ka krijuar një skuadër më të fortë se ajo e vitit të kaluar dhe duken të bindur, se së bashku me Ronaldon dhe pjesën tjetër, do t’ia arrijnë qëllimit të fitojnë Championsin.
Megjithatë një lajm shumë i keq për tifozët bardhezi vjen nga Spanja, teksa thuhet se Ronaldo mund të largohet nga italianët. Sipas asaj që shkruan “Diario Gol”, ylli portugez i ka thënë drejtuesve të Junajtid se dëshiron të kthehet në “Old Trafford”.
“Djajtë e Kuq”, duan të rikthehen përsëri të jenë konkurrues dhe një rikthim i Ronaldos në skuadrën ku u bë i njohur, do ta bënte të mundur këtë. Thuhet se 34-vjeçari do të largohet në fund të sezonit nga Juventusi, pasi dëshiron të rikthehet te Junajtid.
