Kampionati australian i futbollit “A League”, nuk ka shumë me ç’të krenohet, por të paktën në vendin e kangurëve e kanë një rekord të tyrin. Bëhet fjalë për distancën më të gjatë midis ekipeve brenda një kampionati.
Dy ekipet “fatkeqe” janë Perth Goly dhe Wellington Phoenix, këta të fundit janë një skuadër e Zelandës së Re, por për ta është bërë një përjashtim, duke i lejuar të jenë pjesë e kampionatit australian.
Distanca midis dy qyteteve është e pabesueshme, plot 5225 kilometra. Me të njëjtën distancë mund të shkosh nga Spanja në Kanada, nga Roma në Pakistan ose nga Finlanda në Mongoli. “A League” nuk ka zbritje nga kategoria, çka bën të sigurt që Austrialia ta mbajë këtë rekord edhe për disa vite, gjithmonë nëse nuk kemi ndonjë surprizë nga Rusia.
