Ilir Hoxholli, edhe pse “Shqiptarët për shqiptarët” ka përfunduar për tu rikthyer në shtator, nuk ndahet nga kujtesa për atë që ka ndodhur me Emron.
Një djalë i vogël kishte blerë croissant në mëngjes dhe i kishte tepruar veç një euro. Pa kutinë dhe e hodhi, euron e mbetur dhe tha: Do lutem për të. Një biznesmen boshnjak kishte dhënë 30 mijë euro për shërimin e fëmijës. Kur mori vesh historinë e fëmijës me një euro tha: 30 mijë eurot e mia para euros së atij fëmije, nuk janë asgjë… Shkruan Ilir Hoxholli: Kishte vetem një euro, ishte duke blerë kifle për të ngrenë.
Kur pa kutinë për të shpëtuar jetën e Emros, e dhuroi për Emron edhe pse stafi i kërkoi të mos e bënte këtë veprim. Tha; “unë kam vetëm një euro, por edhe do lutem për të”. Këtu lindi dhe ideja e stafit në Ulqin “Një euro, Një lutje”. Shuma e Emros u mblodh. Hajrizi, një boshnjak biznesmen dhuroi 30 mijë euro dhe kur dëgjoi historinë e djaloshit tha; “Vërtetë Emron nuk e njoh, dhurova për të 30 mijë euro, por kur dëgjova historinë e djaloshit që dhuroi një euro, asgjë nuk vlejnë 30 mijë eurot e mia para euros së djaloshit”.
Sa shumë dashuri ka historia e Emros. Lajmi i Elvisit se shuma u mblodh për tre ditë, ishte një mrekulli që e ka emrin shqiptari… Historia e Emros i dha jetë Ulqinit, një jetë për shqiptarinë! Zoti ju shpërblefte! Emro Abazoviq nga Ulqini, djaloshi 20 vjecar është i shtuar në një nga spitalet në Gjermani dhe vuan nga një sëmundje e rëndë. Tashmë me mbledhjen e 450 mijë eurove për kurimin e tij, familjarët thonë se djaloshi ka shumë shpresa.
