Nusja dhe dhëndri e pësuan kur derisa po ngjiteshin në skenë me një lloj luhatëse, në një moment ajo u shkëput dhe dyshja përfunduan të përplasur në tokë, duke shokuar dasmorët e shumtë që ishin mbledhur në një sallë në Indi.
Çifti po bënin hyrjen “spektakolare” në sallë, duke qëndruar në ajër dhe përreth tyre ndizeshin fishekzjarrë, transmeton Telegrafi.
Por pamjet amatore të filmuara nga Raipur, Chhattisgarh, shfaqin momentin kur dyshja rrëzohen dhe pësojnë lëndime të lehta trupore.
Megjithatë kjo nuk i ndaloi që 30 minuta më vonë të vazhdojnë ceremoninë sikur të mos kishte ndodhur asgjë e keqe.
Videoja është shikuar mijëra herë në Twitter, e sipas mediave lokale, dyshja nuk kanë ngritur padi kundër organizatorit të dasmës që është dashur të kujdeset për të gjitha detajet – madje edhe për luhatësen që u shkëput.
