Një tjetër kandidat është tërhequr nga gara për kreun e ri të Komunitetit Mysliman të Shqipërisë. Mësohet se është tërhequr nga gara Myftiu i Kukësit, Islam Hoxha dhe aktualisht në garë janë 3 kandidatë.
Kujtojmë se një ditë më parë u tërhoq nga gara për një mandat të dytë kreu aktual i KMSH, Skënder Bruçaj.
Aktualisht në garë për kreun e ri të KMSH janë myftiu i Tiranës Ylli Gurra, nënkryetari i KMSH Bujar Spahiu si dhe myftiu i Lushnjës Gramoz Blliku.
Nga 95 anëtarë të Këshillit të Përgjithshëm me votë të fshehtë që do të zgjedhin kryetarin e KMSH me një mandat 5-vjeçar të pranishëm për votim janë 90 prej tyre.
