Askush nuk dëshiron të zbresë nga aeroplani në gjendje të keqe, i trullosur ose i lodhur. Veshja që zgjidhni për në aeroport mund të jetë një faktor kontribues në cilësinë e udhëtimit tuaj.
“Bright Side” ka publikuar një listë me 10 gjërat që nuk duhet të vishen në një fluturim në mënyrë që udhëtimi të shkojë sa më mirë që të jetë e mundur.
Rroba të ngushta
Xhinset e ngushta mund të duken shumë bukur, por mund të shkaktojnë parehati gjatë fluturimit. Ju duhet të vishni diçka që lejon qarkullimin e gjakut. Për më tepër, fluturimet më të gjata mund t’ju rrezikojnë nga tromboza e venave të thella (një mpiksje gjaku që ndodh zakonisht në këmbë). Kjo gjendje mund të përkeqësohet nga rrobat e ngushta.
Trupat tanë gjithashtu kanë tendencë të bymehen kur jemi 42,000 metra në ajër, kështu që rrobat që ju rrinë ngjitur pas trupit mund t’ju lëndojnë.
Lentet e kontaktit
Ajri në aeroplan është i ndryshëm nga ajri në tokë. Kjo është për shkak se ajri i kabinës qarkullon, dhe lartësitë e mëdha rezultojnë në lagështirë më të ulët. Ky ajër i thatë mund të jetë irritues për sytë, veçanërisht për ata që mbajnë lente kontakti. Për këtë arsye, sugjerohet që pasagjerët të mbajnë syze në vend të tyre.
Përzgjidhni veshjet e duhura për të qenë të përgatitur për rastet emergjente
Edhe pse emergjencat e fluturimit janë të pazakonta, është gjithmonë mirë të jesh i përgatitur. Disa materiale, të tilla si thekë dhe pëlhura të holla, si pambuku dhe liri janë të domosdoshme. Pëlhura më të trasha zakonisht konsiderohen më të sigurta për tu veshur në rast zjarri.
Taka të larta
Aeroportet janë vende të mëdha, prandaj duhet të vishen këpucë të rehatshme. Takat e larta mund të jenë veçanërisht të mundimshme në situata emergjente.
Për më tepër, takat e larta nuk janë prej pëlhure dhe shpesh mund të jenë të ngushta. Në fluturimet e gjata, këmbët priren të fryhen, kështu që preferohen këpucët e bollshme dhe të rehatshme.
Jo shtresa të mjaftueshme
Fluturimet janë të freskëta prandaj duhet të vishni diçka lart për të mos pasur ftohtë. Ju duhet të përshtateni me temperaturat në rrethana të caktuara.
Aksesorë metalikë
Mund të ketë metal në vendet që nuk i prisni, të tilla si këpucët, mbështjellësit e çamçakëzit dhe tela në sytjena. Ju mund të kaloni më shpejt në sigurinë e aeroportit nëse vendosni të mos i vishni këto sende ose t’i hiqni dhe t’i mbani në dorë paraprakisht.
Veshjet e komplikuara
Veshjet e komplikuara jo vetëm që e bëjnë më të vështirë vajtjen në tualet, por mund të jenë shumë të pakëndshme për t’u ulur. Ju nuk doni të ri-rregulloni rrobat çdo 5 minuta, prandaj sigurohuni që të vishni diçka që është e rehatshme dhe komode.
Parfum dhe antidjersë
Ju mund ta doni erën e parfumit tuaj, por të tjerët në avion mund të mos e duan. Ju gjithashtu nuk mund ta dini nëse njerëzit kanë alergji ndaj përbërësve në parfumin / antidjersën tuaj ose nëse dikush në fluturimin tuaj ka astmë që i shkaktohet nga parfumi.
Pëlhura që shkaktojnë kruajtje
Vishni pëlhura që lejojnë ajrin të qarkullojë dhe që janë të buta për të parandaluar irritimin e lëkurës gjatë fluturimit.
Slogane apo grafikë ofendues
Ju dëshironi që fluturimi të shkojë sa më normalisht që të jetë e mundur. Prandaj është më mirë të shmangni bluzat me slogane apo grafikë fyes. Ka edhe fëmijë në avion, dhe ju kurrë nuk e dini se çfarë njerëzit konsiderojnë fyese, kështu që është më mirë të veproni në mënyrë të sigurt.