Gjatë natës trupi juaj djeg rreth 300-400 kalori! Kjo pothuajse është e barabartë me sasinë e energjisë që harxhoni në një orë të gjatë. Ekspertët pretendojnë se gjumi cilësor mund të kontribuojë në humbjen e peshës, ashtu si ushtrimet fizike. Nëse doni ta bëni atë të funksionojë, është e rëndësishme t’i përmbaheni zakoneve të caktuara që mund të rrisin metabolizmin tuaj në gjumë. Por cilat janë disa nga zakonet që ju ndihmojnë që edhe në gjumë të digjni kalori?
Mbani ambientin të freskët gjatë natës
Ekspertët rekomandojnë të mbani temperaturën tuaj në dhomë gjumi rreth 18 ° C gjatë natës dhe kjo ndihmon për të rritur metabolizmin tuaj. Studimet kanë treguar se një mjedis më i freskët aktivizon qelizat yndyrore beige, të cilat janë përgjegjëse për djegien e yndyrës. Kur flini në një dhomë të ftohtë ose flini lakuriq, trupi juaj fillon të djegë më shumë energji për të ruajtur nxehtësinë. Kjo është arsyeja pse ju mund ta ndjeni veten më të dobët në mëngjes.
Pini lëng rrushi
Lëngu i rrushit ndihmon në djegien e kalorive falë një substance të veçantë të quajtur resveratrol. Kthen yndyrën e keqe në yndyrë beige (pjesërisht të tretshme). Kur fle, trupi juaj përdor yndyrën beige për t’ju mbajtur të ngrohtë. Kështu që, të pini një filxhan lëng rrushi përpara se të shkosh në shtrat, do të heqë qafe yndyrat e tepërta. Gjithashtu për të shmangur sheqerin, është mirë të përgatisni lëngje të freskëta.
Duhet të keni një orar të caktuar të gjumit
Një orar i çrregullt i gjumit është i lidhur me shtimin e peshës së tepërt, thonë studimet. Normalisht është hormoni melatonin që na thotë se kur të shkojmë në shtrat dhe gjithashtu ndihmon në aktivizimin e qelizave yndyrore beige që ndihmojnë në djegien e kalorive. Nëse regjimi juaj është i çrregullt ju ndërhyni në prodhimin e melatoninës dhe privoni veten nga gjumi cilësor. Si rezultat, ju mund të ndjeheni të lodhur në mëngjes dhe të dëshironi ushqime me kalori të lartë për të rritur energjinë tuaj.
Mbani larg pajisjet teknologjike gjatë natës
Një rutinë e paqëndrueshme nuk është e vetmja gjë që shqetëson prodhimin e melatoninës. Drita e tepërt nga pajisjet tona është një arsye tjetër që nuk mund të flemë siç duhet. Është vërtetuar se drita blu nga telefonat tanë vonon prodhimin e melatoninës. Prandaj, ju duhet më shumë kohë që të bini në gjumë dhe zgjoheni të lodhur. Mundohuni të shmangni pajisjet 2 orë para se të shkoni në shtrat.