Studentë e Univeristetit të Mjekësisë janë mbledhur për të protestuar mëngjesin e sotëm. Pas studentëve të Universitetit të Tiranës ditën e djeshme, protestës i janë bashkuar edhe ata të Universitetit të Mjekësisë.
Studentët janë mbledhur që prej orës 08:00 duke bojkotuar kështu mësimin për t’iu bashkuar protestës. Siç është lajmëruar të rinjtë do të marshojnë drejtë ministrisë së Arsimit, dhe do mblidhen aty rreth orës 10:00. Ulja e tarifës, heqja e taksës për provimet e mbartura si dhe përmirësimi i kushteve në konvikte janë disa nga kërkesat e studentëve.
Ndërkaq, mëngjesin e sotëm mësimin e kanë bojkotuar edhe studentë të fakulteteve të Universitetit të Tiranës.
Po ashtu protestës i janë bashkuar edhe studentë të universiteteve në rrethe si Elbasan, Durrës dhe Korçë.