Udhëtim nëpër botë përmes parave – Ja 18 kartëmonedhat më të bukura

Udhëtim nëpër botë përmes parave – Ja 18 kartëmonedhat më të bukura

394
0

Në vijim do të mund të shihni disa nga kartëmonedhat më të bukura dhe më mbresëlënëse në botë. Disa prej tyre kanë dalë nga qarkullimi, ndërsa të tjerat mund të mos i keni dëgjuar ndonjëherë si emra shtetesh. Mes tyre edhe leku shqiptar.

Ngultrumi i Bhutanit

Ngultrumi është monedha kombëtare në Bhutan. Kjo kartëmonedhë prej 2 ngultrum me emblemën e dragoit vlen vetëm 4 lekë

Kolonat e Kosta Rikës

Kjo kartëmonedhë prej 5mijë kolonash printohej në fillim të viteve ’90 dhe ka në të një leopard dhe një tukan (shpendi më sqepin e gjatë). Tanimë ajo është zëvendësuar me një version të ri që është më i vështirë për t’u falsifikuar.

Paundi egjiptian

Një veçori e kartëmonedhave egjiptiane është se përdorin shkrimin arab nga njëra anë, ku duket edhe xhamia e Abu Huraida dhe nga ana tjetër tregohet tempulli Edfu dhe me shkrimin në anglisht. 50 paund egjiptianë vlejnë 123 lekë.

Krona islandeze

Ndërtesa që bën përshtypje në pjesën e pasme të kësaj kartëmonedhe është kisha e Brynjólfskirkja. Kjo para prej 100 kronash u hodh në qarkullim para 20 vitesh dhe është zëvendësuar me dizajnin aktual në Nëntor të vitit 2004.

Randi i Afrikës së Jugut

Kjo është kartëmonedha më e zakonshme e vendit, ku përfaqësohet një rinoceront me ngjyrë jeshile. Kafsha është një nga 5 kafshët më të mëdha në vend. Nga ana tjetër, kjo kartëmonedhë ka ish-presidentin e Afrikës së Jugut, Nelson Mandela.

Leku shqiptar

 

Pesëlekëshi i vjetër doli në qarkullim në vitin 1976 dhe tregonte këtë anije me avull nga pas, ndërsa përpara kishte një tren dhe një kamion.

Dollari i Belizesë

Në kartëmonedhën prej dy dollarësh, paraqiten rrënojat e lashta të fiseve Maja.

Rupia indoneziane

Rupia është monedha kombëtare në Indonezi. Kjo kartëmonedhë prej 1000 rupi ka vlerën e 9 lekëve.

Rufiyaa e Maldiveve

Jeta tipike e fshatit në ishujt Maldive është ajo që paraqet kjo kartëmonedhë prej 10 rufiyaa. Ajo ka vlerën e 80 lekëve.

 

Hryvnia ukrainase

Hryvnia ukrainase paraqet në anën e pasme katedralen e Shën Sofias. 100 hryvnia vlejnë rreth 463 lekë.

Dollari i Barbados

Kjo është karëmonedha prej 10 dollarësh në Barbados. Ajo vlen 617 lekë.

Dollari i Bruneit

 

Kjo kartëmonedhë shumë e bukur prej 1 dollarësh Brunei paraqet një ujëvarë dhe një pyll tropikal.

 

 

Riela e Kamboxhias

Vlera e kësaj kartëmonedhe është vetëm 30 lekë dhe paraqet një udhëtim mbi një varkë në formën e një dragoi.

Dinari i Jordanisë

Kjo kartëmonedhë prej 1 dinarësh jordanian u hodh në qarkullim në vitin 2003. Në të shihen tre burra mbi gamile si dhe flamuri i revoltës së madhe arabe.

Kiati burmez

Kiati është monedha kombëtare e Burmas. Ky version prej 15 kiatësh u lëshua në mes të viteve ’80 dhe vlen vetëm 1 lek.

Uoni i Koresë së Jugut

 

Kjo është ana e pasme e kartëmonedhës prej 1000 uon jug-korean. Në të është e paraqitur një pikturë e famshme e Yi Hwang.

Dollari i Namibisë

 

Ky 20 dollarësh namibian ka vlerën e 185 lekëve dhe paraqet antilopën e kuqe.

 

Franga franceze

 

Kjo kartëmonedhë prej një mijë frangash franceze emetohej në vendet jashtë republikës, konkretisht në Polinezinë Franceze. Në të shihet një shtëpi polineziane nën pemë palmash dhe busti i një vajze të re.

loading...