
Gazetarja Eni Vasili ka qenë pjesë e një situate jo të këndshmë, pasi në celularin e saj ka ardhur një sms që gazetarja pretendonte se kishte ardhur nga kreu i PD, Lulzim Basha.
Në mesazh thuhej: “Eni, pyeteni Kryeministrin, a është i gatshëm të largohet dhe të më hapë rrugën të marr drejtimin e qeverisë?”
Kjo shkaktoi çudi të dëgjuesit dhe te vetë gazetarja, ndërsa nuk munguan edhe komentet ironizuese të Kryeministrit Rama.
Gazetarja u akuzua se nuk e kuptoi që ajo sms ishte vetëm një tallje, por Eni Vasili ka vendosur ta publikojë vetë sms-në e dërguar në celularin e saj, për të hequr të gjitha dyshimet.
Pas mesazhit të parë në celularin e gazetares ka ardhur edhe një mesazh tjetër, këtë herë nga vetë Lulzim Basha, i cili i shkruan se nuk e ka dërguar ai mesazhin e parë, por duhet të shikojë te ekipi i propagandës së Kryeministrit. Fotoja e publikuar nga gazetarja tregon se çfarë shkruhet në mesazhin që u komentua gjatë.
Mesazhi në celularin e Eni Vasilit: