“Trofeu mbetet zikaltër, Kupa e demit”, mediat italiane duartrokasin Interin

“Trofeu mbetet zikaltër, Kupa e demit”, mediat italiane duartrokasin Interin

193
0

Për herë të 9-të në histori Inter triumfon në Kupën e Italisë. Zikaltërit mbrojnë trofeun, festojnë për herë të dytë radhazi, një sukses që i jep formë këtij sezoni, por më e bukura ende nuk ka ardhur, ekipi i Inzaghit kërkon të renditet mes katër ekipeve më të mira në Serie A dhe sigurisht ëndërrojnë që më 10 qershor të festojnë në Stamboll, në finalen e Champions League.

Në stadiumin “Olimpik”, Fiorentina i befasoi pas vetëm 3 minutash lojë duke kaluar në avantazh me Gonzales. Tifozët zikaltër po shijojnë në maksimum këtë sezon një super Lautaro Martinez, “demi” edhe një herë bën heroin ku me një “dopietë” brenda pjesës së parë përmbysi shifrat. Në minutën e 29-të, argjentinasi u shërbye në zonë dhe me një goditje të fortë barazoi rezultatin në 1-1. Në të 37-tën, Martinez mori një top nga Barella dhe me një goditje fluturimthi përmbysi shifrat në 2-1.