Autoritetet greke kanë bllokuar një tjetër gomone këtë të dielë në ishullin Agistri pranë kryeqytetit dhe dyshimet janë se mjeti lundrues ishte pikërisht ai që arriti t’i shpëtonte policisë 4 ditë më parë.
Në pranga ka rënë një shqiptar i cili drejtonte gomonen, e dyshuar si pjesë e trafikut të drogës mes Shqipërisë dhe Turqisë.
Sipas mediave greke, gjasat janë që gomonia të jetë ajo e arratisur 4 ditë më parë, ku një operacion i madh u krye në brigjet e detit grek dhe nga ku ranë në pranga 3 shqiptarë që drejtonin një gomone. Gomonia bënte itinerarin nga Shqipëria drejt Turqisë dhe shkëmbente hashash me heroinë.
Media greke i publikoi pamjet 4 ditë më parë të operacionit ku u arrit të kapej një gomone. Madje pati dhe të shtëna snajperi në drejtim të gomones e cila nuk i ndaloi thirrjeve të policisë greke
