- Lëkundjet janë ndjerë rreth orës 5:25 dhe ishin me magnitudë 5.2 ballë të shkallës Rihter. Tërmeti ishte me epiqendër në fshatin Miras, 11 kilometra nga qyteti i Korçës.
Ende nuk dihet nëse ka të lënduar nga ky tërmet, ndërsa raportohet se qytetarët janë vënë në panik nga lëkundjet e forta. Gjithashtu janë shkaktuar disa dëme materiale, pasi muret e disa banesave të tjera janë plasaritur, kryesisht në fshatin Qafzezë të Kolonjës dhe Vidohove të Devollit.
Lëkundjet janë ndjerë edhe në qytete të tjera të vendit si dhe në Maqedoninë e Veriut dhe në Greqi.
Kujtojmë se disa muaj më parë tërmetet e njëpasnjëshme në Korçë shkaktuan shumë dëme materiale dhe disa shtëpi u shpallën të pabanueshme.