Ulësja prapa e veturës së tij taksi në Nju Jork, për Ryan Weideman ishte një “studio fotografike” për dekada të tëra. Kur Ryan arriti në Nju Jork më 1980, kishte plot ëndrra. Ai e kuptoi menjëherë se sa e vështirë ishte të filloje jetën si një fotograf, pasi me paratë që fitoje me atë profesion nuk mund t’i paguaje faturat dhe qiranë. Frymëzuar nga një fqinj i tij që ishte shofer taksie, Ryanit i erdhi ideja për t’u bërë taksist – duke e bashkuar kështu punën e tij me pasionin për fotografinë. Përgjatë 20 viteve sa punoi si taksist, ai fotografoi pasagjerët e tij. Dhe tani, ai ka publikuar të gjitha fotografitë dhe pamjet janë mahnitëse.