Studioni çdo milioner dhe do të zbuloni se ata ndahen në dy kategori: në kursyes financiar dhe në ata që kanë shitur diçka.
Në studimin Rich Habits, i cili është kryer gjatë një periudhe pesë vjeçare, 135 nga 233 milionerët e përfshirë në studimin kishin treguar se një porcion i madh i përgjegjësive së tyre në punë ka përfshirë shitjen e diçkaje, transmeton Telegrafi.
Pasuria mesatare e këtyre 135 milionerëve ka qenë 5.7 milionë dollarë. 71 për qind e tyre e kanë akumuluar pasurinë para moshës 56 vjeçare, ose mesatarisht, në më pak se 22 vite.
Milionerët që ishin kursimtarë fanatikë kishin pasur një pasuri mesatare prej 3.2 milionë dollarëve, të akumuluar për mesatarisht 36 vite.
Me fjalë të tjera, milionerët e përfshirë në këtë studim që kishin shitur diçka, kishin pasur 2.5 milionë dollarë më shumë sesa kursimtarët e përfshirë në studim, dhe shitësve iu janë dashur 14 vite për ta akumuluar pasurinë që e kanë. Pra, është e qartë se nëse dëshironi të bëheni të pasur në periudhë të shkurtë kohore, duhet të shitni diçka.
Kjo “diçka” mund të jetë ndonjë produkt, si veturë, paisje elektrike etj. Ose edhe mund të jetë ndonjë shërbim, si dizajne, këshilla ligjore, planifikime financiare, ose ndonjë mënyrë e re e të bërit diçka.
Konsiderojini këta shembuj të njohur:
* Warren Buffet e shet ekspertizën e vet financiare.
* Elon Musk i shet veturat e tij Tesla ose përdorimin e raketave të tij Space X.
* Mark Zuckerberg shet reklama në Facebook dhe bën shërbime marketingu.
* Dr. Ben Carson e shet ekspertizën e vet si neurokirurg.
* LeBron James i shet aftësitë e veta si basketbollist.
* J.K. Rowling i shet librat e vet të Harry Potter.
* Taylor Swift i shet këngët e saj për dashurinë.
Pra, më të pasurit nga më të pasurit shesin diçka për ta mbajtur atë status financiar! /Telegrafi/