Performanca e ish-deputetëve të partisë më të madhe të opozitës, PD, është e dobët që pas djegies së mandateve në Shkurt të 2019.
Një monitorim i kryer nga ISP për muajt shtator-dhjetor 2019 tregon se shumica e ish-deputetëve të PD nuk kanë performancë të mirë sa i përket qëndrimeve politike e institucionale për problematika të caktuara.
Nga 43 deputetë që ishin përpara djegies së mandateve vetëm vetëm 14 prej tyre ose më pak se një e treta kanë aktivitet politik të rregullt nga i gjithë grupi i ish-deputetëve, referuar deklarimeve nga faqja zyrtare e PD. Pjesës tjetër të ish-deputetëve u është harruar emri dhe fytyra pasi janë aktiv vetëm në rrjetet sociale personale, shkruan newsbomb.al.
Ndër ish-deputetët më aktivë janë tri gra politikane, Jorida Tabaku (17% në totalit të deklarimeve nga ish deputetët e PD), ndjekur nga Orjola Pampuri dhe Dhurata Çupi (secila me nga 10% të deklarimeve).
Nga ana tjetër ka rritje të deklarimeve dhe të prezencës në qëndrimet zyrtare të politikanëve të rinj në PD që nuk kanë qenë pjesë e grupit parlamentar, këtu bën pjesë: Sekretari i Përgjithshëm Gazmend Bardhi, sekretari për cështjet ligjore Çlirim Gjata, shefi i kabinetit Dorjan Teliti, zëdhënësja Ina Zhupa, drejtues të departamenteve, etj.
Tabela e publikuar nga ISP, për deputetët më aktivë gjatë muajve shtator-dhjetor 2019: