‘Shtetas nga Azia dhe Afrika po punojnë në Shqipëri’, Meta thirrje forcave politike: Të bashkohemi kundër shpopullimit
Presidenti Ilir Meta deklaron se zgjidhja e krizës politike në vend është domosdoshmëri për të frenuar shpopullimin e Shqipërisë.
Përmes një statusi në ‘Facebook’, ai shprehet se të gjitha forcat politike duhet të angazhohen për të motivuar shqiptarët, sidomos të rinjtë.
Kreu i shtetit thotë se koha nuk pret dhe se bizneset shqiptare po i zëvendësojnë vendet e punës të mbetura bosh me shtetas nga Azia dhe Afrika
Statusi i plotë:
Të dashur qytetarë,
Zgjidhja e krizës së thellë politike dhe institucionale është domosdoshmëri për të frenuar ritmet dramatike të shpopullimit të vendit.
Ndërsa të gjithë forcat politike duhet të angazhohen me politika konkrete për t’i motivuar shqiptarët e sidomos të rinjtë për të patur mundësi më të mira të punësimit dhe karrierës këtu.
Një vend pa rini, si një shtëpi pa fëmijë!
SHQIPËRIA meriton një të ardhme të sigurt!
Të bashkohemi kundër shpopullimit!
Koha po rrjedh më shpejtësi dhe nuk kthehet mbrapa.
KOHA NUK PRET!