Një shpërthim i fuqishëm ka ndodhur në këto momente në zonën e ish Bllokut në Tiranë dhe dyshohet se kanë mbetur të lënduar 4 persona. Dyshohet se një bombël ajri që fryn tullumbace ka shpëthyer në rrugën ‘Vaso Pasha”. Ngjarja ka ndodhur në një dyqan që meret me organizime festash. Si pasojë e flakëve, tre persona mbetën të plagosur dhe janë dërguar me urgjencë në spital.
Zjarri mbuloi më tym zonën përreth ndërsa ngjarja shkaktoi panik te banorët. Zona e ish bllokut është ndër më të frekuentuarat në kryeqytet. Menjëherë pas marrjes së sinjalizimit, drejt vendngjarjes mbërritën forca të policisë, autoambulanca e zjarrfikës. Në këto momente kanë mbërritur shërbimet zjarrfikëse dhe ambulanca. Ndërkohë, policia ka rrethuar zonën dhe pritet të evakuojë pallatin, pasi tymi i madh rrezikon të asfiksojë edhe banorë të tjerë.
Tiranë/Informacion Paraprak
Rreth orës 13:15 në rrugën “Vaso Pasha” në ambientet e një dyqani eventesh ka shpërthyer një bombul gazi.
Si pasojë e shpërthimit janë dëmtuar shtetasit S. P dhe A. P, E. N dhe D.S të cilët u dërguan në Spital për ndihmë mjeksore.
Grupi hetimor ndodhet në vendngjarje dhe po vijon punën për sqarimin e rrethanave të ngjarjes.