Emigrantët shqiptarë prej vitesh janë integruar në jetën sociale, ekonomike dhe kulturore të vendeve ku kanë emigruar dhe ku kanë ndërtuar jetën e tyre. Por vitet e fundit, shqiptarët janë përfshirë dhe kërkojnë të përfshihen edhe në jetën politike, dhe rastet janë të shumta. I tillë është rasti i zotit Ahmet Bendo, një njeri i suksesshëm, dhe që i ka shërbyer komunitetit shqiptar në vendin fqinj, në Itali, dhe tashmë kandidon për në bashkinë e Breshias. Me këtë rast, Shoqata “Shqipëria e Re”, Cremona Provinca, i jep mbështetje maksimale kandidatit shqiptar në bashkinë e qytetit të Breshias në Itali, zotit Ahmet Bendo. “Shoqata u bën thirrje të gjithë shqiptarëve në këtë qytet të votojnë mikun tonë, vëllain tonë, shokun tonë, shqiptarin tonë, Ahmet Bendo, i cili ka dhënë dhe vazhdon të jap kontributin e tij në shërbim të komunitetit shqiptar si President I shoqatës”-është apeli i kësaj shoqate.
Është emocion i madh të kandidosh-thotë Landi Hajazi, zëvendëspresident i Shoqatës “Shqipëria e Re” Cremona Provinca, pasi ai vet është votuar 6 muaj më parë dhe para dy ditësh është zgjedheur zëvendëspresident i Konsultës së Emigrantëve në bashkinë e Cremonës. Shoqata shqiptare “Shqipëria e Re” Cremona Provinca me president Eduard Plaku, zv.president Landi Hajazi dhe sekretar Sotiraq Kureta, grupi drejtues dhe shqiptarët në Cremona Provinca i urojnë suksese zotit Ahmet Bendo. “Fitorja juaj është krenaria jonë, krenari e të gjithë shqiptarëve”-përfundon deklarata e shoqatës “Shqipëria e Re”, Cremona Provinca. Në datën 10 qershor bëhen votimet Bashkiake në Brescia qytet, për kryetar Bashkie dhe këshilltar bashkiak, ku dhe kandidon zoti Ahmet Bendo.